Egin kontu

Erabiltzailearen aurpegia

Ruperren diskak merendatzen ibili naiz asteburuan. “Hamar t’erdietan” zuzenekoa da nire kuttunetakoa. Hasteko, Bilboko Kafe Antzokiaren txaloak eta akorde segida. Jarraian, Ruperren ahots diferentea altabozetan: Egin kontu, bost mila zazpiehun kultura desberdin desagertu dira historian. 

Irailaren 2an joan zitzaigun David Graeber antropologo eta aktibista anarkista handia. Gauza inposiblea litzateke berak eginak eta emanak lerro eskasetara ekartzea. Hazi bakarrekin ase beharko. Graeberrek hormak botatzeko gonbitea egiten du bere “Antropologia Anarkistaren pusketak” liburu ezagunean. Bere iduriz, uste harroputz eta kaskarina da gure aurretik existitu eta egun existitzen diren pertsonen %98arekin komunean ezer ez daukagula iriztea. Izan ere, hobe genuke begirada zabaldu eta inguruko esperientzia eta metatutako jakintzak geureganatzea. 

Ezinegonaren, kolapsoaren garai honetan ez da aholku merkea. 

Ez baita egoki egunak ematea zilborrari begira, munduan zentroa bagina. Ez baita ahaztu behar bost mila kultura desagertu horiek ezin direla okerturik egon. Ruperrek errana.