Goikoek diote: bakeak eta gerrak izaera ezberdina dute.
Baina haien bakea eta gerra
haizea eta ekaitza bezalakoak dira.
Gerra haien baketik sortzen da,
semea amarengandik sortzen den gisan.
Ezaugarri beldurgarri berdinak ditu.
Beren gerrak hiltzen du
bakeari bizirauten diona.
Goikoak bakeaz mintzo direnean,
herri xeheak badaki gerra egongo dela.
Goikoek diote: hau da loriarako bidea.
Behekoek diote: hau heriotzarako bidea da.
Bretchen hitzok gogorrak bezain politak dira.
Gogoeta aski sinplea da. Guztiok behar ditugun gauzak gutxi batzuek kontrolatzen dituzten gizarte batean, nahitaez gerra ekarriko du haien gaineko kontrolak. Lehenago edo beranduago, asko duenarentzat hil ala biziko bihurtuko da bere posizioa mantentzeko borroka eta ezer ez duenarentzat bizirik irautekoa.
Eta gerra ez da soilik Ukraina, Palestina, Sahara edo Yemen. Gerra da Mozal Legea, gerra da pentsioen erreforma, gerra da aurrekontu militarrak handitzea eta gerra da jendea etxerik gabe eta gosez hiltzen egotea. Gerrara ohitu gintezke, baina gerra egon badago.
NATO-REN AURKA, GERRA ETA BASAKERIA KAPITALISTA GELDITU DITZAGUN!