Egunon, jada azaroan gaude…udazkenean sartuta bete betean. Asteburuan hasi ginen eta konturatu orduko aste osoa daramagu erronkarieraz leinabentu deritzoten hilabetean. Eta urtero moduan zuhaitzek haien janzkerarik dotorena erakusten digute; Pirineotako basoetan bainan baita Iruñerriko kaleetan ere. Maite ditut maite gorrixkak, horixkak eta marroi horiek. Are gehiago hegoaizeak hostoak astintzen dituenean eta kolorinetako elur moduko bat sortzen denean. Bainan zuhaitzek askatzea erabakitzen duten bitartean Azaroa, haziaren aroa, ereiteko aroa, omen da. Hortaz, udazkena aukera paregabea izan daiteke guk, gizakiok, ere gure haziak ereiteko edota balio ez zaizkigunak askatzeko eta botatzeko eta uxatzeko…Aurreko astean berriz beltz koloreko ufada batek urrun eraman zituen, gorrixka eta horixka ikurrak astintzera etorri nahi izan zituztenei. Ai ene…zurrunbilo honetan uste dut azkenaldiko hegoaize zoroak buruko ileak korapilatzeaz gain ideiak ere pittin bat nahastu dizkidala…
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!