Gazako genozidioa garatzen ari da, antza oztoporik gabe. Alderantziz, gizartearen zati haundi bat Israelen basakeriaren kontra etengabe mugitu bada ere, boteretsuen agendek, hitzek eta erabakiek Mendebaldearen seme basati honen alde egiten dute, suizar erloju baten antzera. Soilik palestiniar erresistentzia armatuak aurre egiten dio zuzen, Yemenen laguntzarekin. Europan, aipatzekoa da Irlandako gobernuaren jarrera duina, beti ere Hegoafrikakoaren atzetik. Gainontzekoak mutu edo genozidaren alde.
Europako boterea ordezkatzen duten trajedunek, nazien oinordekoa den Ursula Von Der Leyenetik hasita, Israelen alde diraute, Ginebrako Konbentzioa, Giza Eskubideen Deklarazioa eta edozein printzipio urratzen duela ere.
Nazioarteko Zigor Gorteak Netanyahuren atxiloketa agindu du. Estatu Batuak ez zuen onartu. Frantziak bere aireko espazioa ireki dio genozidari eta Alemaniak, eskubitik ezkerrera, alderdi bat kenduta, bat egiten du harekin. Orain, Trumpek gazatiarren gorpuen gainean resort bat eraiki nahi du.
Ez da kasualidade Auschwitzen urteurrenean holokaustoa egin zutenak bertan egotea eta kanpua askatu zuen Errusia ez, oraina aitzaki. Badirudi Hitler hil ez dela eta gerra irabazi zuela. Izan ere, bere ideología supremazista gorpuzten ari da nonnahi, kapitalismoaren laguntzarekin. Nola eta zein tresnekin egin aurre da galdera.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!