Ia hilabete osoa joan da itzulian ikusi nituenetik herriko ugaldeko ur-uherretan hiru ahate.
Eta ez dakit urtero-urtero urte sasoi honetan gurera itzultzen diren ahate hauek iazko berberak ote diren; ziurrenik ez.
Ziurtasun eza honetan, nolanahi ere, mentatu den hiruko hau litekeena da izatea ahate-aita, ahate-ama eta ahate-kumea, tamainaz handienetik txikienera, hurrenez hurren dena.
Ohartuta izanen zarete honezkero: heteropatriarkatuak kolpatuta gaituela aferarik hutsalenetan. Hiru ahateen istorio honetan kasurako.
Ziurtasunik gabe, baina logikaren logikan ondorioztatuta denez harra izanen dela ia segur ahate-handiena, eta emea, bolumen ertainekoa. Duda-mudan utzi dugu ahate txikienaren nortasun identitarioa.
Honexegatik, zuzenduta dago orain lehen hausnarketa: ahate-ama, ahate-aita eta ahate-kumea dira begiz jo ditudanak herriko ugaldeko ur-uherren bazter batean, handitik txikira, hurrenez hurren dena.
Gauza ederra da okerrak zuzentzea; nahiz eta okertutako adarra inoiz ez den zuzentzen. Maiz entzun nion horrelakoa amari.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
