CEOEren Lan Erreforma

Erabiltzailearen aurpegia

Lan Erreformaren inguruan sakontasun gehiegirik gabeko iritzia nahiko bagenu, aski litzateke begiratzea nor dagoen alde eta nor aurka. Baina hain sentikorra den gai honetan, politikak bidelagun xelebreak egiten dituen adibide bihurtu zaigu hau eta PP eta EH Bildu, edo Unidas Podemos eta Ciudadanos elkarrekin ikusi ditugu, bakoitza bere argudioekin.

Nik, behingoagatik, Ciudadanosen argudioei helduko diet, guztietan errealenak iruditu baitzaizkit erreforma honen alde sutsuki agertu denean. Ez du inondik inora ezkutatu honakoa CEOEri atsegin zaion erreforma dela. Argi eta garbi azaldu du erreforma honek 2012an Rajoyren Gobernuak egindakoaren elementu ugari finkatzen dituela, ez duela kaleratzearen merketzea ukitzen eta azken finean, jardunbide liberalari eusten diola. Eta horregatik eman diola aldeko botoa. 

Agerian geratu dira bai PSOE bai eta Podemos, Lan Erreforma bere osotasunean indargabetzeko haien promesak jan baino, aurkakoa eginez. Hau ez da Langileriaren aldeko erreforma izan, honakoa CEOEren erreforma izan da.