Zalantzez eta galderez beteriko asteen ondoren, Astrazenekaren txertoaren lehen dosia jaso genuen oinarrizko langileok bigarrena jasotzera deitu gaituzte. Nafarroan, badirudi 10etik 8k agintariek onartutakoa baztertu eta zientzialariei kasu egitea erabaki dugula. Ez da erraza izan, nolanahi ere, hipokondriarako joeratxoa dugunontzat, aukera baterako eta besterako beldurrak balantzan jarri beharra. Zalantzak eta beldurrak gorabehera, munduan txertoa jaso dutenen %10 horren parte izatea pribilejioa da, zalantzarik gabe. Herrialde aberats eta pobreen arteko arrakala gero eta handiagoa omen da gai honetan ere. Talde inmunitatea lortzearen garrantziaz jabetzen gara, baina zein talderena? Zilborrari begira bakarrik jokatzea baliagarria izango zaigu, arazoa mundu osoarena baldin bada? Zientzialariek ezetz diote, aldaera berriek arrisku berriak sor baitiitzakete. Argi dago herritarrok nahiago dugula adituei entzun, ea agintariek ildo bera hartzen duten!
Zientziari entzun
2021ko eka. 8a, 12:03
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!