Kirolarien poza eta haserre adierazpenak ikustera ohituta gaude, ez zaizkigu arrotz, maiz, horietako batzuk oso egokiak ez izan arren. Aldiz, hunkidura eta negarra agertzen dutenean, deigarri egiten zaigu, ez gaude horrelako emozioak jendaurrean azaltzen ikustera ohituta. Areago kirolaria gizonezkoa bada. Horregatik, agian, igandean batzuek zalantza egin zuten mikroan hizketan ari zena pilotari txapelduna ote zen, negarrari eutsi gabe elkar besarkatzen zuten horiek ote ziren txapeldunak. Zabaleta eta Elezkano, bai, txapeldunak, hunkituta, poza negarraren bidez ere adieraz daitekeela erakutsita. Poztu nintzen, horrelako ereduek ume eta gazte kirolariak —mutilak, zehazki- libreago izan daitezen laguntzen baitute. Txapeldunek ere negar egiten dute. Zorionak.
Txapeldunen malkoak
2021ko mai. 11a, 12:23
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!