Azken garaietan ikusten ari ditugun muturreko fenomeno klimatikoek, bizi dugun larrialdi klimatikoaren adibide bat gehiago baino ez dire.
Horren aitzinean, ailegatuko ez den egoera idiliko baten esperoan gelditzea, egoera okerrera joatea laguntzea baino ez da.
Ailegatu garen eszenatorika ailegatuta ez dugu denboraren pribilegiorik eta oinez, nahiko genuna baino polikiago baldin bada ere, ibiltzen hasi behar gara.
Norabidea argia da, energia kontsumoa nabarmen murriztu, prozesu fosilak elektrifikatu eta ekoizpen berriztagarria handitu behar ditugu, eta horrek planifikazioak, jabetza publikoak eta langileen parte hartzea eskatzen du, baina baita guzti horrek beharko duen espazioa eta baliabideak gizarte moduan eskaintzea ere.
Eta gehien bat norabide hori gaur bertan hartzen hastea ezin bertzekoa da, aspaldi partida honen luzapenean sartu ginen eta.