Esan didate mugan, ez hain urrun, jende beltzak esperoan ematen duela eguna, beste aldera gutako nork pasako zain. Haiek saiatzen dira lehendabizi, penintsula osoa zeharkatu ondoren. Iritsi da beltza, saiatu da Bidasoa izeneko ibai atsegin baten gaineko zubitik bere bideari jarraitzen eta agertu dira jendarmak. Atzera. Irun izeneko herrian elkartzen dira berriro. Badago jendea janaria eta arropa eramaten diena. Eta Bidasoa izeneko ibai inguruan ikusten dituztenean, hartu eta autoan Baionaraino eramaten dituzte. Beste batzuk, Bordeleraino. Esan didate ikaragarri eskertzen dutela. Telefonoak eskatzen dituztela, iritsi nahi duten tokira iristen direnean kasu egiteko. Deitzen dutela: “iritsi gara, eskerrik asko”, esateko. Amari esaten genion bezala urrun joaten ginenean: “iritsi gara, dena ondo”. Negua iritsi den honetan, jende asko ari da, isilean, etengabe, zubi txiki eta hurbil hori pasatzen laguntzen. Harrera herria egiten.
Harrera herria
2019ko urt. 23a, 12:18
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!