NOIZKO ERIZAINTZA GRADUA EUSKARAZ?
Iruñeko Euskalgintza eta zenbait sindikatu iazko ikasturtean zehar saiatu ziren erizaintzako graduari euskarazko lerroa gehitzen. Sinadura bilketa, bilerak NUPeko arduradunekin eta Nafarroako Gobernuko agintariekin, ikasleen mobilizazioak orain…
Bitartean, NUPen Finantziazio Plana onartu zuen Nafarroako Gobernuak 2018-2020ko eperako, NUPerako ikasketa berriak onartu zituen, eta ez zuen jarri euskararen inguruko baldintzarik.
2019-2020ko ikasturtea hasi da, erizaintza gaztelania hutsean eskaintzen da, eta euskaraz osorik egin daitekeen gradu bakarra Magisteritzakoa da (oso aspaldikoa da). Ikasketen egitura, hizkuntzei dagokienez, frankismo garaian hezkuntzak orokorrean zuen berbera da (gaztelania hutsean, ikasgai batzuen salbuespenarekin). Alferrik igaro dira hamarkadak, D ereduaren garapen handiarekin. D eredua oraindik ez da iritsi Nafarroako Unibertsitate Publikora.
Aurreko lauko Gobernuaren porrot garbia izan da erizaintza euskaraz ez jartzea. Orain aldatu da egoera politikoa. Ea hori bideratzen den! Inoiz ez da berandu, borondaterik baldin badago.
2019-12-01.
ADMINISTRAZIOAN EUSKARAZ TALDEA.
Aurreko lauko Gobernuaren porrot garbia izan da erizaintza euskaraz ez jartzea. Orain aldatu da egoera politikoa. Ea hori bideratzen den! Inoiz ez da berandu, borondaterik baldin badago.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
