Euskarazko azalpenak Limako txapapotea dela eta

Erabiltzailearen aurpegia

Haserre bizian dago Limako biztanleria, Peru aldean, beren kostaldeko egoera ikusita. Beltzak dira oraingoan arrokak, beltzak hondartzak, eta belztuta ere ikusten dira zonalde hartako hegazti eta arrainak. Arrantzaleak ere protestan, haien bizibidea galbidean ikusita.

Milaka kilometrotara zabaldu da txapapotea oraingoan, baina ardurak askoz hurbilago ditugu. Repsol enpresa da istripu honen arduraduna, eta ez da harritzekoa. Izan ere, petrolioaren multinazionalak axolagabeki aritu dira azken hamarkadetan Latino Amerikan, OMAL behatokiak salatu duen moduan, eta ondorioz istripuak zein isuriak gertatu dira hainbat tokitan, Amazonian ere, bertako biztanleriaren bizimodua eta osasuna arriskuan jarriz.

Urrun gelditzen dira istripuak, bai, baina hona etortzen dira etekinak, eta ardurak hemen bertan daude. Kasu honetan, gainera, euskaraz eman litzake azalpenak Repsoleko Kontseilari Delegatuak, Josu Jon Imazek, alegia.