Euria zela eta, joan den ostegunean Iruñear gehienak Arga ibaiari begira zeuden. Ezhoiko egoera, gehienetan goi-ordokiko auzoei so bizi garen hontan.
Bada, nik ezhoiko intimidade hori aprobetxatu behar nuen. Zapatak lotu eta aterkia eskutan, Karlos Hirugarrena etorbidera heldu naiz. Hipotesi agerikoa: millonada hori CAN-etik atera baina Taxoarera ez bazen heldu, bidean geldituko zen, halabeharrez.
CAN-en erainkineko kristalek zeru zuria isladatzen dute. Garbitasunaren seinale. Edo gardentasun ezarena, ez dakit. Paretan pegatina bat: Bi koma zortzi berdin laurehun eta berrogeita hamar.
Senak esaten zidan Merinaldeen plazan diruaren arrastoren bat aurkituko nuela, baina deus ere. Ekuazio bat besterik ez, fondo laranjan: Bi koma zortzi berdin laurehun eta berrogeita hamar.
Arrosadia auzoan, oraingoan pankarta batek: Bi koma zortzi berdin laurehun eta berrogeita hamar.
Nekatzen hasia naiz, dirua ez dudalako aurkitzen. Kontxo, 55 milioi ezin dira edozein bazterrean utzi! Hara non topatu dudan, parez-pare, Navarra Arena pabilioia. En fin.
Dagoeneko bidearen zati handiena egin dut eta milioien arrastorik ez. Are gehiago: ekuazioarekin moskeaturik nabil.
2,8zm=450€
Hipotesi eta ekuazio, gauza ziur bakarrarekin heldu naiz etxera: laster jakinen dugu zentimetro horiek kilometroak direla, eta euro horiek, milioiak. Eta mugitzen ez bagara guk pagatuko ditugula. Nik, eta zuk.