Noizean behin txinparta batek sua pizten du. Patxi Arratibelek nekez pentsatuko zuen Madrilen torturatua izan ondoren, berak asmatutako Aztnugal hitza txinparta horietako bat izango zenik. Euskal Herriko ehunka paretatan ikus daiteke pintaketa dagoeneko.
Denok dakigu zertaz ari den, izan ezkerreko, zentroko, eskuineko, kaletar edo kastakoa. Baina asko dugu ikasteko oraindik. Nik iaz jakin nuen aditu baten ahotik, ogia erostera jo eta torturatzaile batekin egin dezakezula topo Iruñeko okindegi batean, biok ogia erostera joanda.
Bai, talde bereziak dira, bereziki trebatutakoak. Madrilen ere badira, baina beste talde batzuk hemendik doaz hara. Bost egunez atxilotua txikitu, eta ale, etxera familiarekin afaltzera. Eta gero, plaust, kalean torturatuaren aurrean agertu, edonon zain duela jakinarazteko: “Tortura naiz, gogoratzen?”
Arratibelek txinparta piztu zuen, baina torturaren aurkako kanpaina honen gasolina Carmen Alba da, Espainiako Gobernuaren ordezkaria. Eutsi Carmen!
Eutsi Carmen!
2016ko mai. 13a, 12:44
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!