Harribitxi dira Keuner jaunaren kondairok alemanezko prosan. Horretan bat datoz aditu guztiak. Harribitxi ez ezik, ordea, Bertolt Brechten ispilu ere badira, 1930an pertsonaia sortu, eta hil arte lagun eta alter ego izan baitzuen Brechtek Keuner jauna. Nekez aurkituko du irakurleak Brecht ezagutzeko liburu hau baino bide hoberik. Adiskidetasuna, saldukeria, hedabideak, autoak, izadia, hirigintza, gizalegea, nazionalismoa, elkarbizitza… askotariko gaiak jorratzen ditu kondairotan Brechtek, bere eredu etiko zein estetikoen berri ematen digularik, formulazio ezinago soil, indartsu eta biribilez.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
