Nazkatuta eta etsituta lan kontratu zakar, lan baldintza kaxkar eta langile bakar izateaz, eta sentitzeaz.
Nire azalean bizi izan dut, orain arte, nahiko nukeena baino gehiagotan, langile gutxiko enpresa txikien, "esperientzia" gutxiko nagusien eta konfidantza faltsu eta interesatuaren itxurakeria, hamaika irregulartasun, aipu matxista eta abusu estaltzen dituzten lan eremu kutxakorretan.
Zein urrun geratzen zaizkidan sindikatuen elkartasunezko zein baterakuntzarako lelo eta deiak.
Zeinen isolatuta, bakartuta, sentitu naizen, eta zenbat sufrimendu barneratu dudan ezjakintasunaren edo enpresari berri izatearen aitzakiarekin jolasten dutenen eskutik. Zenbat eta zenbat azpijoko geratzen diren langilearen azalean iltzatuak.
Badugu zer aldatua, eraldatua.
Ba al dugu edo ez al dugu non elkartua?, nori eskatua?
Sortuko al dugu besterik?
