Ingurumen Heziketarako Museoan, lasterketa bizikleta mitikoen inguruko erakusketa. Askotariko modeloak ikusi ahalko dira: 79ko Zeus bat, 78ko Sisquillo bat eta 86ko Pinarello Montello bat, esaterako. Astelehenetik ostiralera arte egonen da erakusketa irekita, hamarretatik ordu batak arte eta seietatik zortziak arte.
Kondestable jauregian, sanferminen aurreko sukaldaritza, Udaletxeko III. berdintasun planaren karietara antolatuta. Ekainaren 27tik 30 arte izanen da, arratsaldeko zazpietatik bederatziak arte. 21 euroan. Izen emateak 010 telefono zenbakian egin behar dira.
Bihar arte zabalik dago Konpainia zentroko teknologia berrien eta sareen udako ikastaroetan izena emateko epea. Zazpi dira doaneko proposamenak, eta plazak zozketaz banatuko dira.
Bihar, asteartearekin, zine foruma Gazteriaren Etxean. Arratsaldeko seietan, Las vidas de Zulma filma eskainiko dute. Alter Nativas-ek, Alboan Fundazioak eta SEI elkarteak antolatuta. Sarrera, doan.
