Gaur, asteartearekin, ekainaren 14, Konpainia zentroko teknologia berrien eta sareen udako ikastaroetan izena emateko epea irekiko dute. Zazpi dira doaneko proposamenak, eta plazak zozketaz banatuko dira.
Gaur eta hilaren 17 arte, ostiralarekin, Ingurumen Heziketarako Museoan, bizikleten, ordezko piezen eta osagarrien azoka. Goizez eta arratsaldez, trukeak egin daitezke, museoko langileek gainbegiratuta.
Zabalik dago patata tortillak egiteko tailerrean izena emateko epea, Gazteriaren Etxean izanen da. Soilik 25 lagunek hartu ahalko dute parte. Zangotza kaleko 30. zenbakian egin behar dira inskripzioak, euro batean.
Ingurumen Heziketarako Museoan ere, bihar, asteazkenarekin, basa orkideen inguruko hitzaldia. Biologia, ekologia eta dibertsitatea landuko dituzte. Arratsaldeko zazpietan, Museoan, Uztarroz kalean. Sarrera, libre.
Txupinazoa nork jaurtiko duen erabakitzeko botoa eman daiteke jada. Sei dira hautagaiak. Erroldatutakoek pamplona.es-en eta 010 telefono zenbakian eman ahal izanen dute botoa ekainaren 17ra arte. Civivoxetan ere aukera bada bozketan parte hartzeko.
