Gaur eta hilaren 17 arte, ostiralarekin, Ingurumen Heziketarako Museoan, bizikleten, ordezko piezen eta osagarrien azoka. Goizez eta arratsaldez, trukeak egin daitezke, museoko langileek gainbegiratuta.
Bihar, asteartearekin, ekainaren 14, Konpainia zentroko teknologia berrien eta sareen udako ikastaroetan izena emateko epea irekiko dute. Zazpi dira doaneko proposamenak, eta plazak zozketaz banatuko dira.
Zabalik dago patata tortillak egiteko tailerrean izena emateko epea, Gazteriaren Etxean izanen da. Soilik 25 lagunek hartu ahalko dute parte. Zangotza kaleko 30. zenbakian egin behar dira eskaerak, euro batean.
Txupinazoa nork jaurtiko duen erabakitzeko botoa eman daiteke jada. Sei dira hautagaiak. Erroldatutakoek pamplona.es-en eta 010 telefono zenbakian eman ahal izanen dute botoa ekainaren 17ra arte. Civivoxetan ere aukera bada bozketan parte hartzeko.
