Iruñeko udaltzaingoaren Zuzendaritza Plan berria egiteko udalaren eta herritarren arteko saioak aste honetan. Gaur, Arrosadian izanen da. Arratsaldeko zazpietan. Izen ematea, 010 zenbakira deituta.
Gazteriaren Etxean, gaur, ostegunarekin, Iruñea Musika Ekintza. Aurkezpen tailerra eginen dute. Sei eta erdietan hasiko da eta hezkuntzan jarriko du indarra. Doan.
Asteburu honetan, Pablo Sarasateren Museo-Gelara bisita gidatuak. Bihar, erdaraz, sei eta erdietan, eta, larunbatean, eguerdian, euskaraz. Civivoxean eman daiteke izena, muxutruk.
Kondestable civivox aretoan, bihar, Iruñea Musika Ekintza. Zazpi eta erdietan, doan. Raul Suarez eta Marta Wasilewicz biolinak; Miho Kawai biola; Marion Platero biolontxelo; eta Enrique Martinez piano jotzailea egonen dira.
Eskuragai daude jada otsailetik ekainerako Iturramako bainutegirako abonuak. Iturramako civivoxean bertan daude salgai, gazteentzako eta zaharrentzako merkealdiekin.
