Iruñeko udaltzaingoaren Zuzendaritza Plan berria egiteko udalaren eta herritarren arteko lehenengo saioa aste honetan. Gaur, Iturraman eta bihar Arrosadian izanen da. Arratsaldeko zazpietan. Izena ematea, 010 zenbakira deituta.
Gaur, hazkunde pertsonalaren inguruko konferentzia. Estresa kontrolatzeko teknikak. Arratsaldeko zazpietan, Zabalguneko Civivox aretoan, doan.
Eta gaur ere, Iruñea Musika Ekintza. Gaur, Cristina Montes azalduko da agertokira, arpa kontzertu bat emateko. Arratsaldeko zortzietan, Civican aretoan. Muxutruk.
Gazteriaren Etxean, bihar, ostegunarekin, Iruñea Musika Ekintza. Aurkezpen tailerra eginen dute. Sei eta erdietan hasiko da eta hezkuntzan jarriko du indarra. Doan.
Asteburu honetan, Pablo Sarasateren Museo-Gelara bisita gidatuak. Ostiralean, erderaz, sei eta erdietan, eta, larunbatean, eguerdian, euskaraz. Civivoxean eman daiteke izena, muxutruk.
Eskuragai daude jada otsailetik ekainerako Iturramako bainutegirako abonuak. Iturramako civivoxean bertan daude salgai, gazteentzako eta zaharrentzako merkealdiekin.
