Gaur, ostegunarekin, euskarazko egitarauaren barruan, eta Ateneoarekin elkarlanean, bertsolaritza espektakulua, Planetarioan, Fernando Amezketarraren lanak ardatz. 19:30ean, doan.
Eta txikienentzat, ipuinaren ordua, euskaraz, 18:00etan, Arrosadiako liburutegi publikoan, Patricia Eneritzen eskutik. Lau eta zortzi urte arteko haurrei zuzenduriko saioa. Doan.
Herritarrek izena eman dezakete Iruñeko udaltzaingoaren Zuzendaritza Plan berria egiteko. Bost lan talde eginen dituzte, auzoka, izen ematea, urtarrilaren 26tik otsailaren 3. Parte hartzeko, 010 telefonora deitu.
Pamplona Accion Musical zikloak hirugarren kontzertua eskainiko du Trio Sincroniasen eskutik- Biolina, cello eta pianoa. Kondestable civivox aretoan, zazpi eta erdietan, doan.
Larunbatean, gaueko aisialdia, gazteriaren Etxean, mahai jokoen inguruan. Saioa doan izanen da, eta Alter Paradox elkarteak zuzenduko du, bederatzietatik ordu batak arte.
Astelehenetik aurrera, 010 telefono zenbakira deituta, euskarazko tailerretan izena emateko epea zabalik. Denetariko edukiak eskaintzen dira, bost eta zortzi saioko iraupenarekin. Prezioa 23 eta 50 euroren artekoa da.
