Hazkunde pertsonalaren inguruko hitzaldiek aurrera darraite. Gaur, Milagrosako Civivox aretoan, zazpietan, denbora kudeatzearen inguruko konferentzia. Doan, gonbidapena seiak baino lehen eskuratuta.
San Pedroko Ingurumen Heziketarako Museoan, haziak hizpide, aste honetako hitzorduan. Gaur, asteazkenarekin, zazpietan, bi adituk haziak bildu, atera eta mantentzeko jarraibideak azalduko dituzte. Gainera, seietatik zortzietara haziak pilatzeko gunea irekiko dute.
Eta Kondestable Civivox aretoan, mikologia zikoa. Gaur ere, Carlos Ruis de Vergara sukaldariak mikrogastronomiaren inguruko konferentzia emanen du, gaztelaniaz: Landa, mahaira. Doan.
Bihar, ipuin kontalariarekin hitzordua dute etxeko txikienek. Arratsaldeko seietan, Milagrosako liburutegian, lau urtetik gorako haurrentzat.
Mendillorriko Civivoxean Nepalen inguruko zikloak aurrera jarraitzen du. Trecking zaleentzako paradisua dela azalduko du koldo Almandoz alpinistak. Hitzaldia, arratsaldeko zazpietan, doan.
Eta Gurutze Plazako institutuan, Bertsoaroa. Eneko Lazkoz, Aimar Karrika, Ander Fuentes “Itturri”, Amets Arzallus, Uxue Alberdi eta Jon Maia bertsolariekin. Arratsaldeko zortzietan.
Datorren ostirala, azaroaren 13a, boluntarioki udal kontribuzioaren bigarren hiruhilekoa, aktibitate ekonomikoen eta pasabideen eta kalearen okupazioaren zergak ordaintzeko azken eguna. Helbideratuta ez dutenek merkatu kaleko 7-9an eta udal webgunearen bitartez egin dezakete.
