San Pedroko Ingurumen Heziketarako Museoak truke azoka antolatu du. Arropa, etxeko gauzak, dekorazio objektuak, liburuak... Ostiralera arte bisitatu daiteke, hamarretatik ordu batetara eta seietatik zortzietara.
Asertzioaren inguruko hitzaldi zikloak aurrera dirau. Ateak irekitzen dituzten hitzak mintzaldia eskainiko du Cristina Ochoak, Sanduzelaiko Civivox-ean. Entzumenezko arazoak dauzkatenentzat egokitua.
Bihar, dokumentala eskainiko dute: OligopolyOFF, hirugarren saioa, Ingurumen Heziketarako Museoan. Goizeko hamaika eta erdietan eta arratsaldeko seitan. Doan.
‘Astearteak TIL’ komunikazio eta informazio teknologien inguruko zikloak aurrera segitzen du. Bihar Windows 10 sistemara migratzeaz ariko da Eva Rodriguez, Sanduzelain, arratsaldeko sei eta erdietan, gazteleraz, eta entzumen arazoak dituztenentzako egokiturik.
‘Bertsoaroa 2015’ programazioaren barruan, emakumeak bertsolaritzan duen rolari buruzko ikuskizuna taularatuko dute Condestable Civivox aretoan. Oholtzara igoko dira Jokin Labaien narratzailea; Oskar Estanga eta Hodei Unzueta aktoreak, eta Idoia Noble kordeoi jotzailea.
