Gaur, Civivox Kondestablen lau urtetik gorako haurrentzat tailerra eginen dute. Bostak eta laurdenetatik, zazpiak eta laurdenetara. Izen ematea, Kondestablen bertan, bi euroan.
Udazkena iritsi da Ermitagañako eta Zabalguneko udal azoketara. Bihar, ardoa eta perretxikoekin egindako pintxoak dastatzeko aukera, euro batean. 450 errazio banatuko dituzte, hamabietatik aurrera. Bildutako dirua benefizentziarentzat izanen da.
Hor konpon Marianton antzezlana taularatuko dute Oskar Estanga eta Hodei Unzueta antzezleek, Mendillorriko Civivox-ean. Haurrentzako egitarauaren parte da ekimena. Emanaldia bitan ikusteko aukera izanen da: eguerdiko hamabietan eta arratsaldeko seietan. Sarrerak, Civivox-ean bertan eta pamplona.es webgunean, hiru euroan.
