Hiru urte luze joan dira bideo batean Ram Manikkalingam eta Ronald Kasrils Nazioarteko Egiaztatzaile Batzordeko kideak ETAren arma batzuk zigilatzen ikusi genituenetik. Alderdi politiko gehienen orduko adierazpenek ildo berdina jarraitu zuten: Armagabetzea ahalik eta azkarren burura eraman behar du ETAk.
Hiru urte hauek arraroak izan dira. Nazioarteko Egiaztatzaileak Auzitegi Nazionalean deklaratzera deitzeak edota armak baliogabetzen ari ziren bakearen artisauak atxilotzeak armagabetze prozesua zaildu besterik ez dute egin. Baina, zailtasunak zailtasun, hiru egun barru, larunbatean, ETAk amaitutzat emango du armagabetze prozesua.
-Listo! Amaitu da borroka armatua.
-Denak pozik!
-Goazen ospatzera!
(Nire etxean, behintzat, pozteko berriak ospatu egiten baititugu.)
Bada, ez! Alderdi eta sindikatu gehienek diote ez dutela ospakizunik nahi. Ez erromeriarik eta ezta folklorerik ere. Baionako argazkietan serio agertzeko asmoa dutela.
Urkullu jaunari aspaldi nabaritu genion festarako ez zuela gogo handirik. Baina besteok zer? Zertarako erreprimitu nahi duzue zuen poza?
...
Larunbatean jokaleku politikoa aldatuko da. Aukera eta arrisku berriak etorriko dira. Eta hemendik aurrera, herritarrok protagonismo eta ardura berriak gure gain hartu beharko ditugu.
Nik argi dut. Larunbatean armagabetzearen amaiera ospatu nahi dut, berria poztekoa delako eta datozen erronkei ilusioz heldu nahi diedalako.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
