Ondoeza Hondurasen, herritarrek desberdintasun gehien nozitzen dituen Latinoamerikako estatu ustelean. Etxeratze agindua ezarrita dute han ostiraletik. Nortzuk eta, zantzu guztien arabera, igandean zortzi hauteskundeak galdu zituztenek. Armadaren esku-hartze bortitza, hildakoak, atxiloketa andana... Espantu handirik sortu gabe ari dira pasatzen hango putxerazo eta indarkeria albisteok hemengo zakurraren salara. Memoria nolakoa, halakoxea izan ohi baita demokrazia aldarrikapena: selektiboa.
Galtzen ez dakienaren amorruarena mundua bera bezain istorio zaharra da. Galtzen ez dakienari garaile xumea indarrez 'zentzatzeko' boterea onartzen zaiola jakinda, orainaldi osoa uler daiteke. Ez dago Honduraseraino joan beharrik antzeko adibideen bila: etxean bertan aspalditik ditugu horren froga garbiak; gaurko albistegietan duzue Kataluniarako prestatutako bertsioa. Eta etxeratze agindurik ez preso politikoentzako.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
