Ederra

Erabiltzailearen aurpegia

Bilbon harrapatu ninduen albisteak larunbatean, presoen eskubideen aldeko manifestaziora joanda. Akordioa zegoela Katalunian, Mas ez zela presidente izango. Agur, Mas. Kaixo Puigdemont.

Ikasiko dugu zure abizena behar bezala ahozkatzen. Eta garai bateko Antes una España roja que rota famatu haren bertsio posmodernoaren txanda: “Nahiago Espainia urdina eta ez libre Katalunia”, CUPi eskuinarekin negoziatzea leporatu dioten espainiar ezkertiar askoren ahotan. Euskal Herrian ere bai, zenbait girotan. Mugimendu sozialen indar eraldatzailearekin larritzen den EAEko lehendakari eskuindarrari buruz, zer esan. Hemendik katalanei independentismo lezioak ematen aritutakoak, “banengoen ba ni” esaka. Rajoyk, berriz, “banago ba ni hau guztia konpontzeko” errepikaka. Eta hau hasi besterik ez da egin.

Hamazortzi hilabete. Ederrak datoz.