Charlie Hebdo'-ren hurrengo alearen azala imajinatzen, kafesneari azukrea bota bitartean.
Ea zenbaterainoko barregura eragin dezakeen orain frantses 'citoyenne'-en artean jihadista armatuen txantxa sortak.
'Alahu akbar!', karkarkar; Eliseoak oparitutako armekin akabatu dituzte Pariskoak... ze ona txistea, 'très bien'.
Eta nazioarteko komedianteen arma emanaldi berria bukatuko denean, gertatzen zaiguna ez dugula entenditzen esango dugu.
Isiltasun minutu bat; itsu-mutu-gor urte gehiegi.
Umorearen kodeak, beldurrarenak eta hipokrisiarenak bezala, ikasi egiten dira, bai.
'Charlie Hebdo'-ren hurrengo alearen azala imajinatzen hasi, eta kafesnea mingostu azkenean.
Ikasi dut: behazuna tinta latza da.