Nazional-katolizismoaren balioen zaindaritza programa politiko nagusi izan duenak, Nafarroa Alemania nazia bihurtzeko bidean dela esan du. Datozen sanferminetan kalimotxoak KASekin zerbitzatuko dizkigutela esan ote duen ere iruditu zait, baina ez dut oso ondo ulertu. Ezta nahi ere. Umetako jolas kanta ekarri dit gogora Yolanda Barcina Madrilen behazun jaten ikusteak:
“Maria Gorria badabil!
Ez dabil!
Badabil!
Ez dabil!
Hiru hiru sei, hiru bederatzi,
hamar hemeretzi, bat hogei.
Begiak itxitu,
Bestela garbitu.
Baaaale!”
Maria Gorria badabil, bai. Begiak ixteak ez dio balio erregimenari. Eta bale.
