“Ama, zertarako dira hauteskundeak?”. Elorrik galdetu dit, bere 5 urteekin, eta ez dut asmatu erantzuten. Demokraziaren festarena aspaldi erretako istorioa iruditu zait kanpainako ipuin festa hastear den honetan. Nolanahi ere, hiru kontu: ehiztaria baino jatorrago ikusi dut beti Txano Gorritxoren otsoa; ez dut ezer jakin nahi printzesa-ustekoak eta menpekoak liluratzen dituzten jauntxoetaz; eta nahiago dut sorgin hutsa izan amabirjiña baino.
“Ama, hauteskundeek amaiera ona izaten al dute beti?”. Elorrik. Eta ez dut jakin erantzuten.
Eta hala bazan ez bazan, sar dadila kalabazan
eta atera dadila hautestontzien plazan.
