Geroa Baik Ciudadanosek Nafarroako Hitzarmen Ekonomikoari buruzko "ezagutza eza" deitoratu du
Geroa Baik Ciudadanosek Nafarroako hitzarmenaren inguruan egindako adierazpenak deitoratu ditu, Inés Arrimadasek Nafarroaren zerga sistema Europan integratzeko prozesuan lekurik ez duela esan baitu, eta esan du adierazpen mota hauek "demagogiatik eta ezagutza ezetik" egiten direla.
“Egoera kezkagarria da, PSOE Ciudadanosekin itun batera iritsi baita Estatuan gobernatzeko eta egun beste indarren babesa bilatzen saiatzen ari baita”, azpimarratu du koalizioak, kritikatuz gainera UPN Ciudadanos eta PPren aldeko itunaren aldekoa izatea, horrek autogobernuarekiko dakarren arriskua ikusita.
“Ezin dugu ulertu Nafarroaren defendatzaile direla dioten alderdiek ezagutza ezetik edo demagogiatik gure autogobernua erasotzen dutenekin eta berriro ere gure zerga sistemaren aurkako jarrera hartu dutenekin ituna egitea planteatzea”, esan du koalizioak.
Geroa Baik sarritan salatu du gure autogobernuak eta zerga sistemak datorren legegintzaldian jasan dezaketen arriskua, eta gogorarazi du Nafarroako Hitzarmen Ekonomikoa tresna “zuzena, Estatuko gainontzeko komunitateekiko solidarioa, soziala eta arduratsua” dela.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
