Geroa Baik foru Ogasunaren “prestutasuna” defendatu du eta “erreferente” izan dadila eskatu du
Nafarroako Parlamenturako Geroa Bairen zerrendaburu Uxue Barkosek eta kandidaturako bigarren Manu Ayerdik gaur Foru Ogasunaren “prestutasuna” defendatu dute, bai eta gainontzeko alderdiei eskatu “prestutasun” hori “politika egiteko erreferentziazko” elementu izatea.
“Legegintzaldi honetan ikerketa batzorde bat izan da honen irakaspena Foru Ogasuna guztion erakundea dela da, eta bere prestutasuna guztion gainetik dagoela”, azpimarratu du.
Horrela azaldu dute finantza eta zerga Zuzenbidea katedradun den Fernando de Hucha koalizioko kidearekin Ogasun Departamentuaren aurrean egin duten prentsaurrekoan, arlo honetan hiru proposamen aurkeztuz.
Zerrendako bigarrenak azaldu ditu hiru blokeak, lehena “autogobernuaren” ingurukoa delarik, bigarrena hondoratutako ekonomia eta iruzur fiskalaren gainekoa eta hirugarrena erreforma fiskala edo zuzeneko zerga ordaintzeen ingurukoa.
Autogobernuari dagokionez, Ayerdik, Estatuarekin aldez aurretik hitzartu ez diren arloetan zergak erregulatzeko Nafarroaren “eskumena” bermatuko duela nabarmendu du, bai eta berriki LOFCA aldatzeko akordioaren “zaintza estua eta ikuskapen zuzena” ere.
Autogobernuarekin jarraituz, hitzarmen ekonomikotik eratorritako Estatuarekin harremen “analisirako, prestaketarako eta segimendurako dauden giza baliabideak eta baliabide teknikoak sendotzearen” alde egin du.
“Ezin dugu ahaztu Nafarroak ematen duena 550 milioi euro inguru urteko direla eta BEZaren doitzeek kopuru hori luze gainditzen dutela”, azpimarratu du.
Halaber, Hitzarmenaren Batzorde Koordinatzailearen osaketaren ingurua “hausnarketa” egitera deitu du, horrela “Gobernuaren paper erabakitzailea errespetatuz”, defendatzen diren jarrerak Parlamentuaren “gehiengoaren babesa dutela ziurtatuz”.
Beste neurri bat, zeharkako zergetan “Estatuarekin eskumenak geureganatzeko debatea hastea” da, eta bereziki “ekonomia suspertzeko eta enplegua sortu eta mantentzea” lagun dezaketen “ideietan”, gehitu du.
Halaber, Ayerdik ECOFIN taldeetan “aktiboki lan egitearen” aldeko apustua egin du, “Europako beste estatu eta eskualdeen” zerga arduradunekin “harremanak egiten” hastera.
Bestalde, De la Huchak iruzur fiskalaren inguruko proposamenak azaldu ditu, “legeak soberan daudela eta falta dena baliabideak direla” ziurtatuz.
Horrela, neurrietako bat “Foru Ogasunari giza baliabideak eta baliabide tekniko” nahikoak ematea da, iruzur fiskala “ikerketaren” aldetik jazartzeko.
Beste ideia bat “optimizazio fiskalerako operazio guztiak Ekonomia eta Ogasun departamentutik pasatzea” da, horrela legedian dauden hutsuneak “ixteko”.
Hirugarren neurria tresna informatikoak “onartzea eta erabiltzea” da, bai eta “zergen aldetik garrantzia duen informazioa elkarbanatzeko euskal ogasunekin, frantsesarekin estatukoarekin elkarlana”.
Proposamen zerrendako azkena “kontzientziazio fiskalerako kanpainak egitea” da, sistema fiskala “tresna bat” baita, eta “zein Estatu edo zein foru Komunitate nahi dugun jakin beharra dago”, eta horren arabera “sistema fiskal moderno eta berritu bat eraiki”.
Zerga ordaintze zuzenen inguruan, egungo fiskalitatea berrikustea proposatzen dute, “koalizioak 2014ean aurkeztu zuen proposamena erreferentzia gisa hartuz”, eta Europan dagoen “joera” jarraituz zerga ordaintze sistemen diseinu eta ezarpenean.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
