Geroa Baik Nafarroan Osasun Garraio Plan berriaren inguruan galdetu dio foru Gobernuari
Geroa Baik Osasun sailburu Marta Verari galdetu dio “noiz aurreikusten duen Nafarroako Gobernuak Nafarroako Osasun Garraio Plan berriaren aurkezpena egitea”. Horretarako, idatzizko galdera erregistratu du foru Ganberan.
Geroa Baiko parlamentari Patxi Leuzak gogorarazi du “2014ko apirilean, Osasun sailburuak Osasun Garraio Plan Integrala 2014ko azken hiruhilekoan bukatzeko helburua zuela iragarri zuela, inplikaturiko eragile ezberdinen parte hartzearekin, eta ondoren 2015ko otsailera atzeratu zuela, oraindik gertatu ez den arren”.
Halaber, Geroa Baiko parlamentariak Nafarroako Gobernuari eskatu dio esan dezala “noiz aurreikusten duen Osasunbideak osasun garraio zerbitzurako enkante-lehiaketa, plan integral berriak dioen moduan”. Zentzu horretan, Leuzak azaldu du “apirilean Vera sailburuak 2014ko laugarren hiruhilekorako enkante-lehiaketa berriak egiteko konpromisoa hartu zuela”.
Patxi Leuzak “sektore honen arazoak lehenbailehen konponduko dituen plan integral berri bat martxan jartzearen garrantzia” nabarmendu du, “funtsezko eta oinarrizko zerbitzua baita”.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
