Taldeko argazkia da; hamabost lagun ageri dira, eta lehen begirada azkarrean identifikatu ditut Xabier Mendiguren Elizegi idazle eta editorea, Joxe Mari Agirretxe Porrotx pailazoa, Ane Labaka bertsolari performerra eta Iñigo Muguruza musikaria. Zerk bildu dituen? Ba sortzaileak direla eta hain zuzen ere Gotzon Barandiaran kulturgintzako aktibistak osatu berri duen sortzaileak.eus atarian zerrendatu dituela.
Bi mila eta berrehun sortzaile sartu ditu Barandiaranek atari horretan. Zazpi diziplinetakoak dira: ikus-entzunezkoak, musika, literatura, arte plastikoak, bertsolaritza, antzerkia eta dantza. Irizpidea, hauxe: bizirik egotea eta azken hamabost urteotan lanen bat plazaratu izana, alegia, sorkuntzan aktibo egotea. Emaitza da katalogo osatu eta eguneratua, eta adibidez kultur programatzaileentzako eskuliburua izan behar lukeena.
Dagoeneko datu estatistiko esanguratsu bat eman du atariak: ehun sortzailetatik hirurogeita hamar gizonezkoak dira; hogeita hamar besterik ez emakumezkoak. Antzerkian bakarrik ei dira emakumezkoak gizonezkoak baino gehiago.
Espitx hau bukatu eta banoa azkar batean sortzaileak.eus atarian murgiltzera. Voyer samarra izan, eta irrikitan nago euskal sorkuntzaren who is who-a txekeatzeko.
Sortzaileen katalogoa
2018ko ots. 2a, 14:44
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!