Argazkiarekin doinua dator gaur: La Marseillese ereserkia. Aurrez-aurre ikusten ditugunen aurpegietan somatzen da kantuan ari direla: Frantziako diputatu eta senatariak dira, Hollande presidentea buru dutela. Izenburuak ez du zirrikiturik uzten: Frantziaren erantzuna: konstituzioa aldatzea eta Sirian Estatu Islamikoa bonbardatzea.
Beste argazki batean jende talde bat ageri da, Frantziako bandera altxatzen. Gerrako hainbat monumentutan errepikatzen den irudiaren antza du: soldadua, gain batean bandera ezartzen, tokia hartu izanaren seinale. Kasu honetan, ostiraleko erasoa jasan zuen ostatuetako baten aurrean, Le Carillon-en aurrean, ari dira bandera jartzen herritarrak.
Eiffel dorrea zuri-gorri-urdinez argiztatuta eta Marselleisearen kantua jende talde baten ahotan, horrela itxi zituen atzo gaueko albistegiak Euskal Telebistak. Frantzia Handiaren ikurrak indarrean berriro. Liberté, Egalité, Fraternité-ri ere hautsak astindu dizkio ostiralekoak. Izango ahal da nahikoa talentu Frantziako Estatuan, hirukote horri irakurketa eguneratua egiten asmatzeko.
Irakurketa berria behar
2015ko aza. 17a, 12:39
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!