2026-2027 ikasturtearen matrikulazioa epea zabalduko da berehala eta ikastola, ikastetxe zein institutuek ikasleak erakartzeko lasterketa gordinari ekin diote. Asmo hori lortzeko prozedura ez dira bakarrik ate irekien saioak edo etxeetara eskutitzak bidaltzea. Orain merkatuaren tresna guztiak sartu dira barruraino eta egunkarietako iragarkiak, irratietakoak, banan-banakako bisita gidatuak, bannerrak, podcast plataformetan iragarkian, sareetako presentzia... ditugu.
Beherakada demografikoak zerikusi handia du honekin, ume gutxiago dauden munduan horiek bereganatzearen alde borrokatu behar delako. Hala ere, asteotan ikusten dugun zirku hau bakarrik posible da indarrean dagoen hezkuntza ereduarengatik. Itunpeko ikastetxe zein ikastolarik ez balego, gatazka honek ez luke zentzurik izanen; era berean, geurea segregazioa indartzen duen sistema bat ez balitz eta hezkuntza eredua, ikasleen jatorria edo ama hizkuntza bigarren mailako aldagaiak balira, ez genituzke ikastetxeen iragarkiak irratian entzungo.
Zintzoki, askoz hobe komunikaziorako energia guztia beste gauzetarako erabiltzea...