Gerrei insumisioa!

Erabiltzailearen aurpegia

Asteak aurrera doaz eta Ukrania eta Errusiaren arteko gerra dinamika sakondu da. Gatazkaren interes geopolitikoak agerian gelditzen ari diren arren, “ero batek” bultzatutako inbasioa dela esaten jarraitzen dute hainbat hedabideek. 

Honi lotuta doazen prezio igoera berriak, oligopolioen interespean egindako gas eta energia merkatu-legeek babestuta, arrakala ekonomikoa sakontzen laguntzen du, baina diru-laguntzen bidez aurrera egiten zaio, lege injustuak aldatzeko eskaerak egin ordez.

Eta bertan, gudu zelaian, elkar ezagutzen ez duten gazteek elkar hiltzen dute, elkar ezagutzen duten gizon helduek erabakiak hartzen dituzten bitartean. 

Esaldi hau atzo entzun nion AFOINAko emakume bati, insumiso baten ama izandakoari, datorren larunbatean gerrei insumisioa adierazteko eginen den manifestaldirako deialdian. Haiek esan zuten bezala, gerren aurka azaltzea besterik ez dugu, bortizkeri dinamika ero honek eraman gaitzakeen mundu are injustuago baterantz joan nahi ez badugu...