Sentsazio arraroa daukat astelehen honetan Sotoan gertatutakoarekin. Joan den asterako hitzordua zuen etxe-kaleratzea atzeratu egin zen eta, hamaika arrazoien ondorioz, gauzatu egin zen, bertan geunden guztiok déjà vu bat bizi genuela sentituz. Izan ere, aldaketaren legealdian etxe-kaleratze mordo bat gertatu baziren ere (alokairuarenak gehienak), bulego itxietan gertatu ziren negoziazioak eta hustuketak gelditzeko topaketak nahiko sinbolikoak izan ziren. Boterean zeuden alderdiek interes handia izan zuten kaleratzeen irudiek indarrik izan ez zezaten.
Oraingoan ordea, Iruñeko PAH-ren lehen porrota omen da eta hori ez da inorentzat ona. Kaleratze gehienak alokairuan dauden pertsonenak badira, hortik bideratu beharko da antolakuntzarako lana eta energia, estatuaren beste hirietan egin izan duten bezala. Berdin da hipoteka edo alokairua izatea ordaintzen ez dena, atzean dagoen etekin sistemaren arkitektura berdinentzat da onuragarria.
