Berriro gaurko egunean, apirilak 14a ospatzen dugu. Hainbat eta hainbat jendek gazi –gozoz betetako emozioez ospatzen dugun Errepublika eguna.
Gozoz, II Errepublikak gizarteari ekarritako aurrerakuntzak oroitzen ditugunean. Orduan ilusioz beterik egindako lan astunak, emaitza ederrak eman zituzten, askatasunen arloan, emakumeen eskubideetan, hezkuntza publikoaren garapenean eta abar eta abar.
Gaziz, garai eder hura suntsitu zutenek hainbat eta hainbat familietan sortutako mina eta atsekabeak, gehiegi iraun dutelako. Urte luze asko pasa ditugu isilean, beldurtuta, baina ez ditugu ahaztu.
Gure senideen hilketak, haien egia, gertatutako guztien egia aztertzen eta azaltzen jarraituko dugu. Haien eta gure duintasuna, guztien gainetik. Belaunaldi berriak guregana lotzen.
Gertatu zena, inoiz berriro gertatu ez den.
Hirugarren Errepublika eskatzen dugunok, oroimen horren ardatzetik eskatzen dugu. Baita ere, beharrezkoa dugulako, berriro gaur egun, gizartean berdintasuna lortzeko mugimendu zabal eta elkarlanekoa.
Denentzako ongi izatea lortuko duena. Giza eskubideak errotik errespetatuko duen gizarte emankorra eraikiko duena.
