Etorkinak, errefuxiatuak eta etxe kaleratzeak pairatutakoak, guztiek behar dute gure elkartasuna eta laguntza. Oreka mantendu behar dugu, bapateko beharrak konpontzen ditugun bitartean pedagogia egitea garrantzitsua da, azkenekoa azkenaurrekoarekin ez lehiatzeko.
Zortez, hemen ez dugu ultra eskuindar alderdi politikorik, Polonian edota Hungarian ez bezala. Zortez, Marotoren salbuespenarekin, agintariak ez dute bazterketa sozialaren inguruan populismoa areagotzen normalean. Zortez elkartasunezko sarea zabala eta indartsua da Nafarroan. Aldaketaren gobernuak bizkor mugitu dira, mugimendu sozialekin batera bileretara deituz.
Horregatik errefuxiatuei ahal dugun harrera zintzoena egin behar diegu. Welcome refugees, welcome elkartasuna, welcome bestelako Europari.