Iruñerriko euskaldunon agerkaria
euskalerriairratia.eus

Zakurrak Parisen

Erabiltzailearen aurpegia Aitor Etxarte 2018-02-12 13:13   Iritzia

EEBBetako errealitatetik hurbil gabiltza. Horretan nabarmentzen da, besteak beste, duen hegemonia kulturala. Alderdi Demokrata eta bere inguru epelean bizi diren intelektualak etengabean ari dira, hitz handi-ederrak erabiliz, eskuin populismo zabarraren kontura aurpegi kezkatiak jartzen edo diskurtso mengelak egiten.

Gurean oso ezaguna dugun joera da. Europan makina bat izen asmatu dira intelektual ustez demokrata eta ustez humanista, beti ere, kapital handien lagun hauek izendatzeko: boboak (burges-bohemioak), ezker-kabiarra, ezker-xanpaina…

Ez da ez gaur goizeko kontua. 1939. urtean Frida Kahlok Nickolas Murrayri idazten dio gertutik ezagutzen zituen intelektualen kontura esateko: Ez dakizu jende hau zein punturaino den zakurra (jatorrizkoan perra). Oka egiteko gogoa ematen didate. Intelektual nazkagarriak dira eta ezin dut beraien ustelkeria jasan. Gehiegizkoa da niretzat. Gehiago nahi dut tortillak saltzea Tolucaren azokan lurrean eserita, Pariseko artista zakurrekin tratuan aritu baino.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa