Asteburuan bi iragarki prentsan.
Bat. Iruñerriko iparraldean dagoen merkatalguneak konbite egin du San Blas eguna han ospatzeko. Bertako, jarri hemen makro-denden izena, “errosko tradizionala, kaba edo zukua hartuz”.
Bi. Multinazional batek konbitea egiten du San Blas festa bere dendan egiteko “artisauak diren erroskillak” dastatuz. Azpimarratzen du “helburua bertako produktuak goraipatzea dela”.
Agur San Nikolas plaza. Agur jaiak izan duen dentsitate espiritual eta antropologikoari. Gune komertzialek beste tradizio bat banalizatzen dute. Leku-ospakizun sinboliko bat lehian sartu dute beraien interesetara makurtuz.
Edward Casey filosofoak dio “bizitzea leku zehatzean bizitzea dela eta ezagutzea, gauza guztien aurretik, bizi garen lekuak ezagutzea da. Hau da, lekua munduarekiko dugun ikuspuntuaren gunea da, ezinbestean”.
San Blas eguna, erroskoa eta ospakizuna barne, autobia eta errotonden paisaira eraman dute. Labur esanez, San Nikolas plazaren lekutik, ez-leku batera.