Noizbait herri aukeratua ginela amestu genuen. Esan ziguten sortzez apartekoak ginela, hizkuntza bereziaren jabe, langileak, adoretsuak, ekintzaileak, bikaintasunez jantziak. Eta berezko bertsio zaharrean, edo bere aldaera modernoagoetan, sinistu dugu.
Aste hauetan, urte osoko joera jarraituz, euskarazko hedabideetan berrien uzta zoriontsua agertu da: estropadak, futbola, pilota eta beste; herri, auzo, kale eta eskaratzeko jaiak; bertsolaritza, sukaldaritza eta pintxo-potearen kulturgintza; eta, jakina, auzoko zelebritateak eta suzedidoak.
Aki Kauvismaki zinemagile finlandiarrak berriak beste hedabideetan jarraituko ditu. Berdin da. Aurrekoa batean Donostian esan du: “Egungo Europa gorotz puska handia da”. Gu barne, epel-epel, suposatzen da.
Eskerrak, “beti Katalunia geldituko zaigula”.
