Inpresio azkar eta itsaskor bat begien parean. Berriak, egoerak, gatazkak edo proposamenak mutilatuak ezinezkoak diren laburduretan laburtuak. Errealitate konplexuaren aurrean posizio alienatuaren oinarria. Ezer ulertu eta eraldatzeko antzutasuna bidea egin aurretik.
Eta asko irakurtzen dugunean inpresioa dugu kulturaren erraldoiek ez dutela ondoriorik lotu, liburu biribilenek ez dutela garbi ondorioztatzen, jendartea bidean delako beti, agian, balizko bukaeretara ezin ailegatuz.
Gustave Flaubert idazleak zion “Homerok ez duela ondorioztatzen, Shakespearek ezta, ezta Goethek ere eta Bibliari gauza bera gertatzen zaiola”.
Bizitzaren anabasa ez dugu ongi irakurtzen.