Otsailetik martxora eramanen gaituen astean, mozorroak nagusi. Mozorro alaiak, amaitu berri diren inauterietakoak, Lantzen-eta ikusi ditugunak. Bestelako maskarak ere albiste dira egunotan, Koronabirusari aurre egiteko jarriak. Gaurko egunkariek hirugarren mozorro mota ere erakutsi digute.
Gizon batzuk, ilunpean eta aurpegia tapatuta, prozesioan dabiltza. Argazki oinak dioenez, Iruñeko Dormitaleria karrikatik katedraleraino joan ziren atzo, kristo gurutzatua garraiatuz.
Otsailetik martxora eramanen gaituen astean, hiru mozorro mota. Nik, zer esanik ez dago, Lantzekoak nahiago. Beste biak beldurgarriak iruditzen zaizkit.
