Pedro Sanchez ez da kikiltzen den horietakoa. Hori behin baino gehiagotan erakutsi du etsai gogorrenen aurka, alegia, alderdikideen kontrako liskarretan.
Azken urteotan, apustu arriskutsuak egin eta ongi atera zaizkio.
Nafarroan ere hala jokatu du, Madrilgo ikuspegitik etekin gutxi eta zama handia zuen gobernu-koalizioari bedeinkapena emanez.
Oraingo jokaldiarekin, berriro, arriskua gustuko duela erakusteaz gain, beste zerbait ere argi utzi digu: arduragabe hutsa dela. Pablo, Albert eta beste Pablo ere bidaide ditu epe motzeko taktizismo merkean.
Ba al da Madril aldean Estatu gizon-emakumerik? Bai, Aitor eta Gabriel. Euskal abertzalea bata; katalan independentista bestea.
