Vox espainiar politikaren agenda markatzen ari da eta protagonismo horrek jende asko asaldatu du. Batzuek kazetariei ere kargu hartu diete, Abascalen mezuak hedatzeagatik.
Nik kontrakoa pentsatzen dut, alegia, kazetariek Abascalek-eta esandakoa zabaldu behar dutela, funtsezkoa delako jakitea zer dioten, zer nahi duten. Arazoa ez da, beraz, Vox-en oihartzun mediatikoa. Arazoa da Espainiako indar aurrerakoien ahultasuna eta etsipena, mehatxu horren aurrean ere ez baitira gai aurrerakoiak batu eta ilusioa pizteko. Mezu etsigarriena nahiago dute: eskuina eta ultraeskuina eskutik helduta datoz, eta horri aurre egiteko modurik ez dago. Jainkoek bidalitako uholdea balitz bezala.
Errazagoa da kazetariak errudun bihurtzea, norbere ahuldadea onartzea baino.
