Prevert poeta frantziarrak zioenez, hiri bat ezagutzeko autoz ez, oinez ibili behar da, batetik bestera, pausoak zenbatu gabe. Hiriaren historian eta istorioetan interesa dutenak bi multzotan banatzen dira: istorio horiek artxiboetan bilatzen dituztenak; eta informazioa karrika, plaza eta tabernetan hartzen dutenak.
Gutxi dira artxiboa eta poteoa uztartzen dituztenak. Horietakoa izan zen Iruñeko karrikez gehien jakin duena: Jose Joaquin Arazuri.
Medikuaren izena daraman pasealekuan dago, notak hartzeko koadernoa eskuan, baina betaurrekorik gabe, eskultura egin eta berehala norbaitek kendu zizkiolako. Kabroia izan behar da, gero, Arazuriri betaurrekoak kentzeko.
Atzotik, betaurreko berriekin, hobeki ikusten ditu Iruñeko karrika, plaza eta eraikinen bilakaera, baita eta gu guztion joan-etorriak ere.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
