Korta, Doral eta Muguruza

Erabiltzailearen aurpegia

Herenegun Otegi eta Pagazartunduaren hitzak entzun nituen. Europar Parlamentuan hitz egin zuten, betikoaz, nork bere ikuspegitik. Mezu ezberdinak baina osagarriak euskal gatazka ulertzeko.

Atzo, Euskadi Irratiak biolentzia pairatu duten hiru gazteren testigantzak eskaini zituen: Ibai Korta, Jon Doral eta Ane Muguruzarenak. Lehen bien aitak ETAk hil zituen; Muguruzarena, eskuin muturreko terrorismoak.

Herri honetan ere, betikoaz ari garela, betikoei ematen diegu hitza. Eta, agian, bada garaia bestelako mezuak entzuteko. Askoz interesgarriagoak, hunkigarriagoak eta freskoagoak. Ibai Korta, Jon Doral edo Leire Muguruzarenak, hiru aipatzeagatik.